Tali halaia faka’uli pasi na’e mafuli mo e fanau ifi Kolisi Mailefihi Siu’ilikutapu ‘i Gisborne Featured
Talakai 'Aholelei
9 ‘Okatopa, 2017. Kuo tali halaia ‘a e faka’uli ‘o e pasi na’e mafuli ‘o mate ai ‘a e toko 3 ‘i he kau folau ‘a e Kolisi Mailefihi mo Siu’ilikutapu ‘i Gisborne ‘i he faka’osinga ‘o e ta’u kuo ‘osi.
Ko e tangata’eiki ta’u 65 ‘eni ‘oku nofo ‘Aokalani pea na’a ne tali halaia ki he fakatupunga ha mate ‘i ha faka’uli ta’etokanga.
Fakatatau ki he fakamatala ‘a e ongoongo ‘a e Stuff New Zealand na’e ha ‘a ‘Aholelei ‘i he Fakamaau’anga faka-vahe ‘a ‘Aokalani pea na’a ne tali halaia ai ki hono tukuaki’i pea ko hono tautea ‘e hilifaki ia ‘i he ‘aho Falaite ‘o e uike ni.
Na’e pekia foki he fakatu’utamaki ko’eni ‘a e ki’i tamasi’i ako mo e faiako ‘e toko ua.
