Menu
cache/resized/08c0a7e4df7cc3828bd4ac05d0fd2f03.jpg
Paloveape 'o e Uike Matavaka Pikivaka ...
cache/resized/42eeee36d7906494f572f8383fc5e456.jpg
‘Aho 6 Sepitema, 2017 Palesiteni / Kau ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
cache/resized/4aa5e843d919f2a85363b065c748eef3.jpg
TONGA INTERNATIONAL ACADEMY ACADEMIC ...
Latest News

Ta’e fakalao hono fana’i e pulu ‘e 7 ‘i ‘Utui Vava’u Featured

Tākoto 'a e fanga pulu na'e fana 'i 'Utui Vava'u. Faitā 'a Filomena Hansen  Tākoto 'a e fanga pulu na'e fana 'i 'Utui Vava'u. Faitā 'a Filomena Hansen

30 Siulai, 2017. Na’e faka’ohovale ‘a e ongoongo na’e tuku mai mei he Lolo ‘a Halaevalu ‘a hono fana’i ‘oha pulu ‘e 7 ko’enau maumau’i ha ngoue meleni ‘i 'Utui Vava'u 'i he kongaloto ‘o e uike ni.

‘Oku mahino mai foki mei he fakamatala ki he ongoongo ni ko hono fana ‘o e fanga pulu ko’eni na’e fakahoko pe ‘e he matāpule koe mamahi ‘i hono maumau’i ‘ene ngoue meleni.

‘I he taimi tatau koe fangap ulu ko’eni na’e tuku pe ‘i ha loto ‘aa ka ‘oku mahino mai na’e hola ‘a e fanga pulu ko’eni.

Neongo ‘oku mahino ‘a e mamahi ‘a e tokotaha ‘a’ana ‘a e ngoue meleni mo e maumau na’e fakahoko ‘e he fangapulu ko’eni ka ‘oku fo’ou ‘a e hoko ‘a e me’a ni pea ‘oku fehangahangai ia mo e tu’utu’uni ‘a e lao.

Ko e lao foki ki he maumau ‘a e fanga monumanu ‘oku ‘oange ai ai ha faingamalie ke ‘uluaki fakahoko ha fakatokanga.

Ko e Kupu 5 ki he Lao ki he Fanga Monumanu 1989 ‘oku ‘oange ‘a e mafai ki he tokotaha ‘oku ‘a’ana ‘a e ngoue’anga ‘oku halaloto’api pe maumau ai ‘a e monumanu ke puke ‘o ha’i pe tauhi pe ko hano ‘ave ki ha ‘aa fakakolo pe fakafonua ke tauhi ai.

‘Oku toe ‘oange mo e faingamalie ki he tokotaha ‘oku ‘a’ana ‘a e ngoue ‘oku maumau ke fakamahu’inga ‘a e maumau pea 'oku fakahoko ia 'e he Potungāue Ngoue pea ‘eke ki he tokotaha ‘oku ‘a’ana ‘a e pulu ‘oku maumau kene fakahoko ha totongi huhu’i 'o e maumau koia.

Kaikehe ‘oku mahino mai foki kuo fakamolemole’i ‘e he tokotaha ‘a ‘ana ‘a e fanga pulu ‘a e matāpule na’a ne fakahoko ‘a e fana pea koe me'a pea 'oku hoko he anga 'o e nofo.

‘Oku lahilahi foki ‘a e fakataka pulu pe ko hono tukuange ta’e ha’i pe tauhi ‘i ha ‘a’a ‘a e fanga pulu ‘i he Vahefonua Vava’u pea ‘oku hoko ‘a e me’a ni koe fakatokanga ki he kakai kenau toe tokanga ange ki hono tauhi enau fanga monumanu.

 

Leave a comment

Make sure you enter all the required information, indicated by an asterisk (*). HTML code is not allowed.

back to top