Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Kamata hopo 'eke maumau 'a Lord Lasike ki he Pule’anga Tonga Featured

Kamata hopo 'eke maumau 'a Lord Lasike ki he Pule’anga Tonga

24 Nōvema, 2016. Na’e kamata he houa pongipongi ‘aneafi Pulelulu 23 Nōvema ‘a e fakatonutonu ‘i he vaha’a ‘o Lord Lasike mo e Pule’anga Tonga ‘i he Fakamaau’anga Lahi.

Ko e hopo 'eke maumau foki ko ‘eni ‘oku fakahoko ia ‘i he malumalu Fakamaau'anga Lahi 'i he Tu’i Fakamaau Lahi Owen Paulsen.

Ko e fakatontonu ‘eni makatu’unga ‘i ‘eke ‘e Lord Lasike hono fakahifo ia mei he lakanga Sea ‘o e Fale Alea ‘o Tonga ‘i he ta’u 2012, Fakafofonga Nopele ma'ae Vahefonua 'Eua, Hingoa Nopele Tukufakahoko Lasike mo 'ene ngaahi totonu moe ngaahi monū'ia kehe na'e to'o meia teia.

‘Oku ‘eke foki ‘e Lord Lasike ‘a e maumau ki he'ene totonu faka-Konisitūtone fekau'aki mo e tu'utu'uni 'a e Fakamaau'anga Lahi na'e fakahoko kiate ia 'i he 'aho 9 'o e mahina ko Siulai ta'u 2012. Koe tu'utu'uni foki ko'eni na'e to'o ai 'a e ngaahi monū'ia 'oku ha atu 'i 'olunga.

Na'e tangi foki 'a Lord Lasike ki he Fakamaau'anga Tangi 'a e fonua 'i he mahina ko 'Okatopa 2012 pea tu'utu'uni 'e he Fakamaau'anga Tangi na'e 'ikai totonu 'a e tu'utu'uni 'a e Fakamaau'anga Lahi 'i he mahina ko Siulai.

Neongo foki 'a e tu'utu'uni 'o e mahina ko 'Okatopa 'a e Fakamaau'anga Tangi ka na'e 'osi fakahoko foki hono tuku 'o Lord Lasike ia ki tu'a mei he Fale Alea 'o mole ai hono ngaahi monū'ia kau ai hono vahenga faka-Fale Alea 'a ia 'oku kau moia he 'eke ko'eni.

Na’e toloi ‘e he Tu’i Fakamaau Lahi Owen Paulsen ‘a e hopo ni ke toki hoko atu he mahina ko Sanuali 2017.

Ko William Clive Edwards na'a ne fakafofonga’i ‘a Lord Lasike pea ko e ‘Ateni Seniale ‘Aminiasi Kefu ma’a e Pule’anga.

Leave a comment

Make sure you enter all the required information, indicated by an asterisk (*). HTML code is not allowed.

back to top