Faka’ilo toko 4 ki he fakatupu ha pekia ngāue’aki 'a e helepelu ‘i Vainī Featured
27 ‘Okatopa, 2016. Na’e hā ‘i he Fakamaau’anga Polisi ‘i Fasi mo e Afi ‘aneafi Pulelulu 26 ‘o ‘Okatopa ‘a e toko 4 ‘oku tukuki’i ki he tāmate ngāue’aki ‘a e helepelu ‘i Vainī.
Ko e pekia ko ‘Aiveni Teisina ta’u 36 ‘a ia na’e toki pekia ‘i he ‘aho Mōnite 24 ‘o ‘Okatopa ni ‘a ia koe Mōnite ia ‘o e uike ni ‘i he Falemahaki Vaiola mei he ngaahi lavea lalahi na’e hoko ki hono sino.
Ko e toko 4 ko’eni ‘oku tukuaki’i ‘oku kau kiai ha talavou ta’u 16 moha matāpule ta’u 36 mei Kolofo’ou mo ha ongo talavou ta’u 19 mo e 20 mei Nualei.
Na’e puke foki ‘e he kau Polisi ‘a e toko 3 hili pe ‘a e hoko ‘a e ngāue pango ni ‘i he hengihengi Sapate 23 pea na’e toki tukulolo 'iate ia pe mo e talavou ta’u 19 ki he kau Polisi hili ha fekumi kiate ia.
‘Oku hokohoko atu pe hono tauhi fakalao ‘o e toko 4 ni ‘i he malumalu ‘o e kau Polisi lolotonga ia ‘oku fakahoko ‘a e ngāue faka fakatotolo ki he pekia ‘i he Falemahaki Vaiola ‘a ia ‘oku fakafuofua na’e lava moia ‘aneafi.
‘Oku hokohoko atu pe ‘a e fakatotolo ‘a e kau Polisi ki he hia ni pea ‘oku mahino ‘oku ‘i he malumalu ‘o e Fakamaau’anga Polisi ke hoko atu.
1 comment
-
Kuo fulikivanu hotau ki'i fonua lotu ni, pea 'oku 'i ai e me'a 'oku hoko. Kolea atu e kau takilotu kemou lotua hotau fonua lotua e hakotupu he kuo fakamanavahe 'enau fai e anga fulikivanu ko'eni. Ko e mate he hala Pule'anga he accident 'oku fakautuutu. 'Oku 'i ai hono uhinga 'o e me'akotoa pe koeni 'oku hoko. Ofa atu ki he Tonga kotoa.