Tautea ngāue pōpula kae toloi toko 6 Georgia na’e hū mai ki Tonga ni ngāue’aki paasipooti loi Featured
Koe toko 6 Georgia 'eni 'oku lolotonga tauhi fakalao 'i tu'a 'i he Fakamaau'anga. Faitaa 'ae Televisone/Letiō Tonga
26 'Okatopa, 2016. Na’e tautea ngāue pōpula taki ta’u 2 kae toloi ‘a e toko 6 Georgia na’e hū ta’efakalao mai ki Tonga ni ‘o ngāue’aki ‘a e paasipooti loi he pongipongi ‘o e ‘aho ni.
Ko e toko ono foki ko’eni na’a nau hū mai ki Tonga ni ‘i he ‘aho 22 ‘o Sepitema ‘aki ‘a e ngaahi paasipooti Kalisi (Creece) ‘a ia na’e kaiha’asi pea liliu mo e ngaahi hingoa kenau ngāue’aki.
Ko e hū mai foki ‘a e toko ono ko’eni ‘o taumu’a kenau folau ki Nu’usil hili ia ‘enau folau holo he ngaahi fonua kehekehe pea nau toki fou mai ‘o puke kinautolu ‘i Tonga ni.
Na’e tauhi fakalao foki kinautolu ‘i Tonga ni kimu’a pea nau hā ‘i he Fakamaau’anga Lahi he pongipongi ‘o e ‘aho ni.
Fakatatau ki he fakamatala 'a e ongoongo 'a e Letiō Tonga, na’e tautea kinautolu 'i he Fakamaau'anga Lahi kenau ngāue pōpula taki ta’u 2 kae toloi pea nau totongi ‘a e taki pa’anga ‘e 1000 TOP ki he Fakamaau’anga.
Na’e fakafofonga’i foki ‘a e toko 6 ko’eni ‘e Laki Niua pea ko e ‘Ofisi leva ‘o e ‘Ateni Seniale ma’ae Kalauni.
Na'e toe tu'utu'uni foki ke mavahe ‘a e toko 6 ko’eni mei Tonga ni 'i loto he uike 'e 2.
5 comments
-
oua e fiu koe kau asia ia ku takai holo i tonga ni osi age enautolu e paaga a e kau minisita moe kapineti kenau takai faiteliha holo ai i tonga ni
-
Amusia mu'a 'ae Kau Georgian, 'oku nau ma'u 'ae Me'esi 'ae fkma'au'anga 'o Tonga, pea 'oku tau fkapa'apa kotoa kihe tu'utu'uni kuo Hilifaki. pea mahalo hono tonu pe ia ke fkfoki kinautolu ki honau Fonua Tupu'anga.
"oku ou manatu ai kihe kau nofo ova he ng Fonua muli, ko 'ene ma'u pe hopo'i, pea depota'i mai ki Tonga ni, pea ko 'ena hifo pe 'I Mala'e Vakapuna, kuo nau tauataina mei ha toe ha'iha'i 'ae Lao. Koe nauta ia 'oe Kumi Fonua Fo'ou 'oku tau fai ki NZ,Aust, n USA. Kovi pe ko hono ma'u kinautolu 'I Tonga ni,
Toe pe ke puke 'ae Kau Asia 'oku takai holo 'I Tonga ni mo Nofo ova,........ai pe ha ki'i tautea he fkma'auanga $1000. pea fktau 'enau tikite pea fekau kenau foki......kae ma'u ha tau ki'i tola ai. -
Na'e fakahaohao e ngaahi fonua ia mei he kakai ni, toki tuku mai pe ki Tonga ni kenau fakafonu ai leva a Tolitoli fai ha ki'i tokoni ki he Fonua e!
-
Ko e ongoongo ko eni 'oku 'ikai ke fu'u mahino. Ne tautea ngaue popula ta'u 'e 2 'a e kau Georgia ko eni pea ke nau totongi mo e taki $1,000 ki he fakamaau'anga. Pea toe tu'utu'uni ke nau mavahe mei Tonga ni 'i loto he uike 'e 2. Tenau mavahe nautolu kae 'ikai ke nau ngaue popula nautolu 'a e ta'u e 1 mo e konga 'oku toe ke ngaue'i??
-
Nau hao holo he ngaahi fonua pea toki ma'u mai ki Tonga ni. Ngali lelei e fua fatongia 'etau kau immigration 'i Mala'evakapuna moe kau polisi. Malo e ngaue..