Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Tukuange ‘e he Fakamaau’anga Lahi ‘Ofisa Polisi ko Fatai Malupo Featured

Tukuange ‘e he Fakamaau’anga Lahi ‘Ofisa Polisi ko Fatai Malupo

22 Sepitema, 2016. Na’e tu’utu’uni ‘e he Fakamaau Lahi ko Cato ke tukuange ‘a e Faka’iloa koe ‘Ofisa Polisi ko Fatai Malupo ‘i he Fakamaau’anga Lahi ‘i he ‘aho 31 ‘o ‘Aokosi. Na’e tukuaki’i foki ‘a Malupo ki he ta mo e fakatupu lavea lolotonga ‘a ‘ene ngaue atu ki hano puke mai ha tokotaha na’e launga’i mai ki he kau Polisi.

Na’e tautea malu’i angalelei (probation) pe ‘e he Fakamaau’anga Polisi ‘e he Fakamaau Polisi ko Feleti Tuita ‘a Malupo pea tangi ai ‘a e Talatalaaki ‘a e ia koe kau Polisi ki he Fakamaau’anga Lahi.

‘I he tangi ko’eni na’e fokotu'u ‘e he Talatalaaki na’e totonu ke tautea ngaue popula kae toloi ‘a Malupo pea ne fakahoko moha ngaue ki he Komiuniti ‘o fakatatau ki he mamafa ‘o e hia na’a ne fakahoko.

Na’e pehe ‘e he Talatalaaki na’e motu e ngaahi fo’i nifo ‘o e mamahi ke matapule ko Taani mei Patangata ‘i hono tuki’i ‘e Malupo lolotonga ‘a e feinga ‘a Malupo mo hono kaunga ngaue ke fakahoko ‘a e ngaue ki he launga na’e fakahoko mai ki he kau Polisi.

Na’e fokotu’u atu foki ‘e he Talatalaaki ke fakafoki ‘a e hopo ni ki e Fakamaaua’anga Polisi ke fakahoko hano toe fakamaau’i pea ke fakahoko mo e tautea totonu kia Malupo. Na’e fakafepaki’i fefeka ‘eni ‘e he Loea ‘a Malupo William Clive Edwards ‘ae taukave ke fakafoki ‘a e hopo ni ki he Fakamaau’anga Polisi. Na’e ‘ikai fakafepaki’i ‘e Edwards ‘a e fokotu’u ‘a e tangi ke toe fakakaukau’i e tautea ka na’e taukave ‘a Edwards ‘o makatu’unga ‘i he fehalaaki ‘a e ngaue ‘a e kau Polisi ki he keisi ni pea ‘ikai maau.

Na’e tali ‘e he Fakaamau Lahi (Cato) ‘oku ‘ikai ha fakamo’oni fe’unga ke toe fakafoki ‘a e hopo ni ki he Fakamaau’anga Polisi pea ke tukuange leva ‘a Malupo he ‘oku ‘ikai maau e fatongia ‘o e Talatalaaki. ‘Iki ngata ai ka ‘oku to kehekehe ‘a e ngaahi fakamo’oni pea ‘oku totonu leva ke tukuange ‘a Malupo.

Ko e ta’u ‘aki ‘eni ‘e 10 ‘a e faifatongia ‘a Malupo ‘i he Potungaue Polisi pea ‘oku mahini mai kuo toe foki ‘a Malupo ‘o hoko atu e fatongia. Na’e fakafofonga’i ‘a Malupo ‘e William Clive Edwards pea ‘Aminisasi Kefu ma’ae Kalauni.

2 comments

  • Moneata
    Moneata Friday, 23 September 2016 11:16 Comment Link

    Ko e 'ai pea toe 'ita 'a 'Akilisi he 'ikai failelei'i e fatongia kae 'amo atu ko e fo'i 'ia William Clive Edwards hahaha.

    Report
  • Mark Hanson
    Mark Hanson Thursday, 22 September 2016 13:23 Comment Link

    Koe toe 'ulungia e 'a 'Amini mo 'ene kau tama. Koe ha koaa e me'a 'oku pehe ai e kau loea 'ae pule'anga, na'a kuo taimi ke nau ki'i male'ei mai ki tu'a 'o akoako 'iha private practice ke ma'u ha'anau lesoni fakafekiki he te tau pahia hono totongi e mo'ua e pule'anga he lahi e kelekelea 'i falehopo.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top