Faka'ilo 'e he Pangike Siaina (PICB) 'a e Pangike Pule (NRBT) Featured
Nuku'alofa, 3 August 2016. Kuo ma'u 'e he ongoongo ni ha fakamatala falala'anga 'oku 'amanaki ke faile he 'aho ni 'a hono faka'ilo 'e he Pangike Siaina (Pacific International Commercial Bank) 'a e Pangike Pule Fakafonua 'a Tonga (Tonga National Reserve Bank).
Ko e 'amanaki 'eni ke fakahu atu ki he Fakamaau'anga Lahi 'a e faka'ilo ko'eni makatu'unga 'i he ta'efiemalie 'a e Pangike Siaina ki he tu'utu'uni 'a e Pangike Pule ke to'o 'enau laiseni.
Na'e toutou tuku atu foki 'i he uike ni 'i he ngaahi mitia 'a e ngaahi ongoongo fekau'aki mo e fetukuaki 'a e ongo Pangike ni ka kuo tuku atu 'eni ki he 'aofinima 'o e Fakamaau'anga ke aofangatuku mei ai.
 'a e Pangike Pule (NRBT) "Pin It")