Fakapoongi ‘e he Tehina hono Ta’okete Featured
Nuku’alofa, 28 ‘Epeleli 2016. Ko e ongoongo fakamamahi ia ‘a hono fakapoongi ‘e he matāpule ta’u 31 mei Mataika Tongatapu ‘a hono ta’okete ta’u 34.
Fakatatau ki he fakmatala mei he Potungāue Polisi na’e hoko ‘a e makuku ‘i he vaha’a ‘o e pekia mo hono tehina pea na iku fuhu ai ‘o hoko ‘ai ‘a e lavea lahi ki he ta’okete ko’eni. Ne iku leleaki’i ki he Falemahaki Vaiola ‘a e pekia ‘o fakapapau’i ai pe mei ai kuo ne si’i malōlō.
Na’e hoko ‘a e fuhu ‘a e ongo tautehina ko’eni fakafuofua ki he taimi 11:00 ‘o e po’uli hifo ‘o e ‘aho Tūsite 26 ‘a ia koe Tūsite ia ‘o e uike ni. ‘Oku ‘amanaki hā ‘a e tehina ta’u 31 ko’eni ‘i he Fakamaau’anga Polisi pea kuo faka’ilo foki ia ‘o fekau’aki mo e malōlō hono ta’okete.
