Ma'u Popula Hola Heamani Lopeti Featured
Heamani Lopeti
Nuku’alofa, 20 ‘Epeleli 2016. Kuo ma’u ‘e he kau polisi hili ia ha’a nau fekumi ‘o laka hake he uike ‘e taha ki he tangata popula hola ko Heamani Lopeti ta’u 41 ‘a ia na’e hola lolotonga hono tauhi fakalao ‘e he kau Polisi.
Na’e ma’u ‘a Heamani Lopeti ‘i ha fale ‘oku ‘ikai nofo’i ‘i Popua fakafuofua ki he taimi 7 efiafi ‘o e ‘aho Monite 18 ‘o ‘Epeleli. Na’e hola foki ‘a Heamani Lopeti mei he Fakamaau’anga Polisi ‘i he ‘aho 12 ‘Epeleli lolotonga ia ‘oku ‘amanaki ke ha he Fakamaau’anga.
Ko hono ma’u ko’eni 'o Lopeti ‘e faka’ilo ia ki he hola mei hano tauhi fakalao mo e ngaahi hia fekau’aki pe.
