Faka'aho 'a e taimi ki he hopo fekau'aki mo e launga fakahangatonu ki he fakamaau'anga fekau'aki mo e ongo fakafofonga Fale Alea mei Vava'u
Kuo fakapapau'i mei he Fakamaau'anga Lahi kuo faka'aho 'a e hopo ki hono launga'i fakahangatonu 'o Samiu Vaipulu 'e Tomifa Paea ki he 'aho 27 'o Sanuali 2015 'a ia ko e 'aho Tusite ia 'o e uike kaha'u. 'Oku fekau'aki tonu 'eni mo e fili 'a e Vahenga Fili Vava'u 15.
'I he taimi tatau 'oku te'eki mahino mai 'a e 'aho ke fakahoko ai 'a e hopo ki hono launga'i fakahangatonu 'e Dr, Viliami Uasike Latu pehe kia 'Aisea Silivenusi 'a e 'Eiki Minisita 'o e Ngaahi Ngaue Lalahi Hon. 'Etuate Lavulavu ki he Fakamaau'anga Lahi fekau'aki mo e fili 'a e Vahenga Fili Vava'u 16.
'Oku makatu'unga 'a e ongo launga ni mo hono maumau'i 'o e Lao ki he Fili Fale Alea.
