Tali ‘e he Fakamaau’anga ‘a e Tangi ‘a Mateni Tapueluelu Featured
Mateni Tapueluelu ko e Fakafofonga Fale Alea Vahenga Tongatapu 4
Nuku’alofa, 8 ‘Epelei 2016. Kuo tali ‘e he Fakamaau’anga Tangi ‘a e tangi ‘a Mateni Tapueluelu ko e Fakafofonga Fale Alea malōlō ‘o e Vahenga Tongatapu 4. Ko e tu’utu’uni ‘eni ‘a e Fakamaau’anga Tangi ‘i he uike ni hili ia ‘a e kakato ‘a e sesoni hopo hono ‘uluaki ‘a e Fakamaau’anga Tangi ki he 2016.
Na’e faka’ilo foki ‘a Mateni pea tali ‘e he Fakamaau’anga Lahi ‘o tuku ki tu’a mei he Fale Alea makatu’unga he ‘ikai ke totongi hono mo’ua kia William Clive Edwards kimu’a pea ne lesisita ko e kanititeiti ki he Fili Fale Alea ‘o e ta’u 2014.
Ko hono tukuange ko’eni ‘e he Fakamaau’anga Tangi ‘a Mateni Tapueluelu ‘oku makatu’unga ia ‘i he ‘enau faka’uhinga na’e hala ‘a e tu’utu’uni ‘a e Tu’i Fakamaau Lahi Owen Paulsen ‘i he’enau faka’uhinga na’e ‘ikai muimui lelei ‘a e Talatalaaki ki he ngaahi tu’utu’uni (procedures) ‘a e laopea ke fakakakato foki.
‘E foki ‘a Mateni ‘o toe ma’u hono sea koe Fakafofonga Fale Alea ia ‘o e Vahenga Fili Tongatapu 4 pea ‘oku mahiono ‘e fakafoki kotoa ‘a e ngaahi monu’ia na’e to’o meia teia. Na’e fakafofonga’i ‘a Tapueluelu ‘e Dr. Rodney Harrison pea ko e ‘Ateni Seniale ‘Aminiasi Kefu ma’a e Kalauni.
