Menu
Latest News

Poto hono lau kae vale hono fai Featured

Poto hono lau kae vale hono fai

Paloveape 'o e Uike

"Poto hono lau ka e vale hono fai"

 'Oku 'uhinga ki he potopoto'i hono lau ha me'a ke fai pea hili ange ko ia 'oku fevalevalei pe fevaleloi 'o fai 'a e me'a kehe 'a ia 'oku fepaki mo fehangahangai hangatonu 'a e me'a 'oku lau mo e me'a 'oku fai 'o tatau ki he loi ka e 'ikai ko e mo'oni.

'Oku kainga 'a e "poto hono lau ka e vale hono fai" mo e ngaahi lea palovepape kehe ko e "lau 'a e me'a kehe ka e fai 'a e me'a kehe," "'ikai tatau 'a e ngutu mo e tuhu," "kehe 'a e lea he hake pea kehe 'a e lea he hifo," "ngutu ngutu ua" mo e "hange ha limu tu'u 'i 'au."

'Oku lau 'oku "tonu" ka "tatau" ka e lau 'oku "hala" ka "kehekehe" pea hoko 'ene tatau ko e faitotonu mo e faimo'oni 'o tatau ki he fai'ofa ka e hoko 'ene kehekehe ko e faihala mo e failoi 'o tatau loua ki he faikaka mo e faita'e'ofa.​

Leave a comment

Make sure you enter all the required information, indicated by an asterisk (*). HTML code is not allowed.

back to top