Fanongongo mei he Pangike Pule Fakafonua: Liliu ki he Tohi Fakahinohino ki he Ngaahi Tohi ‘oku Ngaue’aki ko e Fakamo’oni ki he Fetongi Pa’anga Muli. Featured
National Reserve Bank of Tonga
Nuku'alofa, 6 Siulai 2015. Na’e fakahoko ‘e he Pangike Pule ha liliu ki he ngaahi tu’utu’uni ki he totongi pa’anga ki muli ‘o kamata ngaue’aki mei he ‘aho 1 Me 2015.
Ko e tohi tuútuúni foki ko éni óku ne fakaikiiki ai e ngaahi pepa fakamatala falala’anga á ia óku totonu ke ngaueáki é he ngaahi pangike fakataha mo e ngaahi kautaha fetongi pa’anga muli í hono fakahoko e ngaahi totongi paánga ki muli.
Na’e fakaha ‘e he Kovana ‘o e Pangike Pule Fakafonua ‘o Tonga, Sione Ngongo Kioa, kuo kakato hono liliu fakata’u ‘o e ngaahi tu’utu’uni ki he totongi pa’anga ki muli ‘a ia na’e tali ‘eni ‘e he Poate ‘a e Pangike Pule ‘i he ‘aho 1 Épeleli 2015. Ko e ngaahi liliu ko ‘eni na’e makatu’unga ia ‘i he fengaue’aki fakataha mo e Potungaue Tanaki Pa’anga, ngaahi pangike mo e ngaahi kautaha fetongi pa’anga muli mo e ngaahi memipa kehe pe ‘o e fonua.
Ko e ngaahi lilu koeni ki he tohi tuútuúni, naé taumuá ke ne fakafaingofuaí pea ke ne feau e founga totongi paánga ki muli lolotonga, pea ke toe fakamaálála e ngaahi totongi paánga ki muli óku fiemaú ki ai á e ngaahi tohi fakamoóni totongi tukuhau. ‘Oku kau foki ki heni mo e liliu ki hono fakafaáhinga ó e ngaahi taumuá ó e totongi paánga ki muli ke fakafaingofuaí ange e founga faifatongia pea ke fakapapauií ai pe é tau tauhi ki he tuútuúni ki hono taófi ó e feáveáki fakapulipuli ó e paánga kaakaa mo e kakai óku nau fakahoko e founga hala ni. Ko e taumuá ó e ngaahi liliu ni ke ne lava ó tokonií hotau kakai ke nau maú ha mahino feúnga fekauáki mo e founga totongi paánga ki muli.
Ko e ngaahi tuútuúni ki he totongi paánga ki muli óku tokoni ia ki hono malu’i e paánga talifaki á e puleánga ‘i muli, ke kei nofo pe í ha tuúnga óku fakafiemalie ke ne lava ó feau e ngaahi totongi paánga kotoa pe. Na’e a’u ‘a e tupu ‘a e pa’anga talifaki ‘a e pule’anga ‘i muli ki ha tu’unga ma’olunga ko e T$270.2 miliona ‘i Maási 2015 ‘a ia ‘oku fe’unga ia mo e koloa humai mahina ‘e 8.3, pea ko e tu’u ki he kaha’u ‘e kei tauhi ai pe ‘i he tu’unga fakafiemalie ‘a ia ‘oku fakafuofua ke ‘i ‘olunga ‘i he koloa humai ki he mahina ‘e 3 ki he 4.
É kei hokohoko lelei atu aipe á e faifatongia ‘a e Pangike Pule Fakafonua ó Tonga í hono siofi mo fakaleleií á e tohi tuútuúni ni ke ne lava ó fakaai e ngaahi fiemaú ó fakatatau ki he ngaahi liliu fakaonopooni pea ke kei fakapapauií ai pe óku áve á e paánga ki muli ó fakatatau ki he taumuá naé áve ki ai.
Ko e tatau ‘o e Tohi Fakahinohino ki he Ngaahi Tohi ‘oku Ngaue’aki ko e Fakamo’oni ki he Fetongi Pa’anga Muli ’e ma’u atu ia mei he website ‘a e Pangike Pule www.reservebank.to pea mo e ’ofisi ‘o e Pangike Pule.
Ki ha ngaahi fakamatala fakaikiiki kataki ‘o fakafetu’utaki ki he:
Va’a Pule’i Fetongi Pa’anga Muli
Pangike Pule Fakafonua ‘o Tonga
Telefoni: (676) 24 057
Fax (676) 24201
Email : This email address is being protected from spambots. You need JavaScript enabled to view it.
