Hopoki Tama Pilinisi Kalauni MV Maggie Cat fetongi fakataimi MV ‘Otu Anga’ofa Featured
MV Maggie Cat 'i he Uafu Kuini Sālote
30 ‘Aokosi 2016. Na’e lava lelei he efiafi ‘o e ‘aho ni hono hopoki ‘e he Tama Pilinisi Kalauni Tupou To’a ‘Ulukalala ‘a e MV Maggie Cat ‘a ia koe vaka ia mei ‘Aositelēlia ‘a e Kautaha Captain Cooks Cruises ‘oku haea mai ‘e he Kautaha Vaka ‘Otumotu Anga’ofa (Friendly Island Shipping Agency) kene fetongi fakataimi ‘a e ‘Otu Motu Anga’ofa.
Ko e lava ‘aki foki ‘eni ‘a e mahina ‘e 4 ‘a e ‘ikai toe faifatongia ‘a e ‘Otu Motu Anga’ofa makatu’unga ‘i ha maumau fakatekinikale ‘oku hoko kiai.
‘Oku ‘amanaki foki ke folau atu ‘a e MV ‘Otu Motu Anga’ofa ki Fisi ke fakahoko ai hano toho mo fakahoko hano fetongi ‘a e konga ‘oku maumau lolotonga ia ‘e kamata ‘i he ‘aho Pulelulu 31 ‘o ‘Aokosi ‘a ia ko e Pulelulu ia ‘o e uike ni ‘a e ‘uluaki folau ‘a e vaka ni ki Tokelau.
‘Oku fakafuofua fakatatau ki he fakamatala ‘a e Fakatou ‘e folau houa ‘e nima mei Nuku’alofa ki Pangai pea houa ‘e 4 ki he nima mei Pangai ki Neiafu Vava’u. Ko e vaka foki ko’eni ‘oku pasese 260 tupu pea koe uta ‘oku fua pe ‘o hange ha folau vakapuna ‘o taki kilo ‘e 15 ki he pasese.
Ko e ngaahi uta lalahi hange koia ko e angamaheni ‘a e folau tahi ‘i Tonga ni ‘e toki fakafolau atu pe ia he Niuvākai ‘a ia ko e vaka pe moia ‘o e he Kautaha Vaka ‘Otumotu Anga’ofa (Friendly Island Shipping Agency).
Na’e me’a foki 'i he ouau ni mo e Ta’ahine Pilinisesi Sinaitakala Tuku’aho, Minisitā Ki he Ngaahi Pisinisi ‘a e Pule’anga Poasi Tei mo e kau fakaafe tokolahi.
7 comments
-
Vaka hala 'ita eni ahaha 'oku ke mo'oni ko e tu'utu'uni fakapotopoto ia 'a e kapiteni ke foki he 'oku kovi 'a e tahi. Pea kapau ko ho 'uhinga ko e 'ikai malava ke 'omi ha vaka hange ko e 'Otu anga'ofa ke lava pe 'o folau he kovi pehe 'a e tahi. Ko e ivi fakapa'anga 'a e pule'anga he'ikai malava ke 'omi ha vaka lahi pehe ke ne fakahoko 'a e fefolau'aki he 'oku mamafa. Kapau 'oku $10,000 pe he 'aho 'a e hire 'a e kii vaka si'isi'i ko eni pea fefe ai hano 'omai ha vaka lahi ke feau 'aki ho fiema'u.
-
Jay kuo ke 'ite'ita koe hange ha fineeiki faele. Koe Kapineti koeni naa nau fakaangai e Ashika pea kuo te pehee tenau kumi mai ha mea e makehe ange. Ka kou sio ku fakapotopoto e Kapiteni o foki. He kapau ne hoko mai ai pe folau kuo osi honau 'anga'anga ki tu'a pea tetau kei ta'ehanu ai pe? E tokoni eku tohi aku kihe founga kumi vaka kapau oku nau teki mai hhhhh
-
Vaka Fonua ko e vaka pe ia 'oku malava 'e he ivi 'a e kautaha ni ke ma'u mai ke feau 'aki e fiema'u 'a e kakai 'o e fonua. Pea ko e vaka pe ia ne design ke fefolau'aki 'i he open water. Tuku aa e hanu kae feinga ke topono pe loto he me'a 'oku ma'u.
-
Kaikehe, ne tuku folau mai e M.V Pusi mei Vava'u he funga o e kovikovi a e tahi pea sii mei osi e kai a e kau pasese hono lua'i hufanga he fakatapu. Pea nau toe foki, o taitaimi holo he lolo pea ta koani ko e vaka ia ki he mamata tofua'a.
-
Neu fanongo anenai he fakamatala mai a e Tama ko Kifi Moala ne heka he vaka ki Haapai pea kuo te fiefia noa atu ai pe. FOkotuu atu kihe Puleanga ke tuku ai pe vaka ia koeni ke fai ai e folau ki motu he kuo mamafa ange fea vakapuna ia ki Vavau mo Haapai he fea ki Nuusila.
Kae ai e vaka koena oua toe lele ki Niua he neu fanongo koe motu e konga koena oe Otuangaofa oku maumau ai koe alu o ave mea a Feao Vakata ....ioooo -
I he 1990 si'i na'e iai 'a e vaka peheni na'e ngaue 'I Tonga ni na'e fakahingoa ko LULUTAHI pea na'e lele lelei pe mo ne lava'i e vahafolau ka mahalo ne 'ikai ha tupu pea toe pulia ai pe ... ka na'e mahino 'ene vave ange pea oma ki he fefolau'aki.. koe totongi pe kuopau ke ki'i mamafa ange e .. Malo e ngaue lahi mo lelei... pea mahino oku 'ikai ko ha vakapopo e ..
-
Malo e ngaue pea fakaofoofa e vaka. Kou tui pe tene lavai e kaupeau oe vahafolau mai ki Tokelau ni.