Kei hokohoko atu pe honge Kava Tonga Featured
Nuku’alofa, 5 Me 2016. Kuo mahino mai ‘eni ‘e ki’i fuoloa ‘a e honge kava Tonga ‘i he fonua fakatatau ki he fakamatala mei he ni’ihi ‘o e kau tō kava ‘o e vahefonua Vava’u.
Na’e talu foki ‘a e kamata mai mei he faka’osinga ‘o e ta’u 2015 ‘o a’u mai ki he ta’u ni mo e mahino mai ‘oku honge kava Tonga ‘a e fonua pea mahino mo e hiki peseti ‘e 100% ‘a e totongi mei he angamaheni ‘i he ta’u ‘e 10 kuo tau situ’a kiai.
Kuo a’u foki ‘a e totongi ‘o e kava ki he pa’anga ‘e $60 ki he kilo pea a’u mo e totongi hono fua momoa ‘o e kava te’eki tuki ki he $38 ki he kilo ‘a ia ko e hiki lahi faka’ulia ‘eni ‘o fakatatau ki he tu’unga anga maheni na’e ‘i ai ‘a e maketi ‘o e kava Tonga he kuohili ‘a ia na’e pa’anga ‘e $25 ki he kilo ‘a e kava efuefu pea pa’anga ‘e $10 ki he $15 ‘a hono fua ‘o e kilo kava momoa te’eki ke tuki.
‘Oku natula tatau foki ‘a e fakamatala ‘a e kau tō kava ‘o e vahefonua Vava’u ‘i he’enau fakaha ko e tupu ‘a e honge kava mei he la’ala’a ‘a e fonua he ngaahi ta’u si’i kuo tau situ’a kiai. ‘Ikai ngata ai na’e hoko ‘a e ‘ikai lelei ‘a e totongi mo e falati ‘a e maketi ke lotosi’i ai ‘a e kau tō kava Tonga ‘o ‘ikai lahi pe toe tō ha kava pea ‘oku kaunga lahi ia ki he honge ko’eni.
Kuo hoko foki ‘a e kava Tonga mo hono tu’unga faka-maketi he ngaahi ‘aho ni ko e koula mo’oni pea ‘oku ki’i lahilahi foki mo e alaalanoa ‘a e ni’ihi na’e ‘ikai to kava. ‘Oku mahino mai foki ‘oku hoko ‘a e honge ko’eni ke mafana ‘a e tokolahi ‘o toe tō kava ka ‘oku mahino pe foki ia ‘e toki ‘aonga ‘eni kiha ta’u ‘e 3 pe 4 ka hoko mai.
‘Oku vava mai foki ‘i he taimi tatau moe ngaahi maketi kihotau kainga muli pea kuo ma’u mo e fakamatala mei he ‘Ofisi ‘o e ‘Amipasitoa Tonga ‘i Siaina ‘oku ‘i ai ‘a e amanaki lelei ki he ngaahi alealea ki ha maketi ‘o e kava Tonga ki Siaina.
4 comments
-
Hhahaa kehekehe pe foki e tufakanga kotoa Oua e Fiu ko e kau polave ia nae tufakanga kinautolu ia kenau ela ofisi pea e ngata pe enau sio anautolu he ofisi pehee foki kiheenau ngaahi fakakaukau. Ko kitaua ia koe sio pe o ngata he vao pea e lele pe eta talanoa ataua he vao.
-
Masi'i Ngalufo'ou, 'oku toe Ma'amaa ange 'ae toe Tanaki mai 'ae AHI ia, sio kihe nofo 'ae KOULA he kelekele 'oe Tonga, ka 'oku 'ikai lava 'ehe Tonga 'o 'o hake 'ae Koula ke fktu'amalie 'aki 'ae ng Famili moe Fonua katoa.
Kuo taimi, ke tau fka'onga'i 'ae inisi kelekele kotoa pe 'oku ala faingamalie.......Tau sio ki Samoa n Fiji kihe ng palani fklakalaka kihe kelekele li'aki ke fk'aonga'i.............
Koe ki'i project to Ahi n Kava moe ng akau Fua koe to atu faingofua pea 'ikai fkmole pa'anga. Kuo taimi ke tau tu'u pe 'o Langa hotau Fonua...
Ko 'etau kau po lave, koe kau tama nima mamahi.........koe favai pe he taimi kotoa (tapu ita). ka hu mai'ae kau "ofisa kolo 'o uki honau ng kolo takitaha.......ko 'ene to atu ia.
Fkmanatu atu koe langa Fonua , koe ngaue ka 'oku 'ikai koe Favai ??.
Tama Tonga Tu'u 'o Ngaue ho'o Koloa kuo Fkmonuuu..... -
Ngali pau ange to AHI ia Oua e Fiu oku paanga lahi, pea uta atu ki muli 'o fakatau ai ha mau ha seniti oku sai. Tuku aupito e kava tonga ia pe koe ai ke fakakonahi ai pe si'otau kakai ke tau ki fe? Ka ko e fokotu'u lelei 'a'au kae ai ko e taki 10 e api he fu'u AHI.
-
Tama Tonga Tu'u 'o Ngaue, He ko hota koloa ke Fkmonuuu,
Ta 'oku Lahi pe 'ae ng Tafenga Tenali, ka 'oku 'ikai lava ke tau hanga 'o Ngaue'i
Tau ngaue'i hotau Fonua mo hono mahuu, na'a hu mai ha mesaniti 'oku ivi Lahi 'o pule'i fkaoao 'etau ma'uanga Mo'ui ko'eni.
Fefe ke tau kamata he 'aho ni, tau taki 10 'ae fu'u kava 'o To pe 'I hotau ng 'Api kolo.......hili pe ta'u 3 koe pulopula Lahi mo'oni 'eni pea ta'aki ho'o ng fu'u kava 'o fktau 'atu.....Sio kihe Langa Fonua 'oku tau tokoni kiai!!!!!!!!!!!!!..........
Manatu'i 'e 'a'ahi 'etau project Langa Ngaue ko'eni hili 'ae Mahina 'e taha mei he 'aho ni moe 'Ofa atu kihe kau pakipaki he paenga ni.