“ MO'ONI LAHI KOE FIE-'ILO...'E toe fakautuutu e kaitunu puaka 'a e kau hauá 'i 'uta he 'aho Sāpaté ko 'enau fie kaiá. Ko e fakamālohi'i eni 'a e 'alu ki Hēvaní 'oku fai 'e he kau takilotú, mo e Pule'angá.
1. 'Oku 'ikai fiema'u 'e he 'Otuá ke faka-mālohi'i e kakaí ki Hēvani. Foaki mai 'e he 'Otuá ke tau'atāina e tangatá ke fili ke 'alu ki Hēvani pe 'ikai (free agency).
2. Mahino mai 'oku lava pe 'e he Minisitā Polisi 'o faka-ngaloku mai e Lao Sāpaté 'o kau ki he fakatau māa. Kau ia ki he tokoni fafanga e kakaí kenau mākona mo 'enau fānaú, 'i he fakalakalaka 'o e kuonga onopooní.
3. Monū'ia 'a Minisitā Tu'i'onetoa mo e kau ngāue faka-Pule'angá 'oku 'i ai honau vāhenga ke fakatau 'enau tokonaki lahi 'i he 'Aho Tokonakí. Faka'ofa e kau masivá he 'oku $10 'a e kato manioké, ka 'oku $1.20 pē 'a e fo'imā.
4. Monū'ia mo e kau takilotū he 'oku nau tānaki foaki 'i falelotu 'i he 'Aho Sāpaté, mei he kau masivá ka e fiekaia 'enau fānaú.
5. Fakailifia ko 'enau ta'e 'ofa 'i he masivá. He 'oku nau sisino kinautolu he kai e melie 'o e fonuá, pea 'ikai kenau kei manatu'i e faingatā'ia 'a e kau masiva 'i he ngaahi 'ahó ni. ”