“ Kataki pe kou copy mai e post a e tokotaha ko Litia Simpson mei he The Kingdom Politics, he 'oku felave'i mo e faile 'atamai 'i he ongoongo ko'eni. Fakamolemole Litia Simpson he te'eki keu fakalea atu ka 'oku tokoni ho'o post ki he ako mo e fakakaukau 'a e kakai 'o e Fonua.
Litia Simpson: "Ki'i vakai loloto atu ki he ola ko eni:
'Oku 'asi mai ko e peseti 'e 75 'o e tupu 'a e kautaha 'osi hono tax ko e $1.3 miliona. Ka fakafoki ki he fika kakato kimu'a he foaki dividend 'e ma'u ai 'a e $1.733 miliona. To e tanaki mai mo e tax ki ai ke tau 'ilo e fakamole, pea 'e ma'u ai 'a e $2.311 miliona. Ko e fakamole leva 'a e mala'evakapuna ko e $7.689 miliona pe ko e peseti 'e 77 (kapau 'e lau e fika na'e hiki he peesi 'a e puel'anga 'o 'ikai ko e $1 miliona 'oku 'asi he fakamatala 'a e tongadailynews). Ko e fika faingofua taha 'e lava ke fakatauhoa ki ai 'a e ola ko eni ke ma'u ha'a tau fakafuofua ki he lelei mo'oni 'o e ola, ko e Auckland International Airport. Ko e fakamole 'a e mala'evakapuna ko eni 'i he 2014 ko e peseti 'e 25 'o 'e ne pa'anga hu mai. Fakatauhoa ia ki he peseti 'e 77 'oku fakamoleki 'i Tonga. 'Oku fe'unga mo e pa'anga 'e $0.433 miliona (fa kilu) 'oku tuku 'e he poate ke fakahoko 'aki 'a e ngaahi langa fakalakalaka 'a e mala'evakapuna pea mo e ngaahi fakamole fakangaue kehe. 'Oku ngali fu'u si'isi'i eni ke lava 'aki ha langa fakalakalaka pea to e fakalele 'aki 'a e ngaue anga maheni. Ko 'eku ki'i vakavakai pe ki he ngaahi fika 'oku tuku mai. 'E to e lelei ange 'etau faka'uto'uta kapau na'e 'omi 'a e ngaahi fakamatala totonu mo mahu'inga ange felave'i mo e talafakamatala ngaue pehe ni". ”