“ KO E MÄKETI TAU'ATĀINÁ: Mo'oni e lau 'a e tamai 'o e founga pisinisi faka-tupu (capitalism) Adam Smith (Wealth of Nations, 1776) mei Scotland: 'Oku ngāue 'a e tokotaha kotoa ki he 'ene fiema'u leleitaha taautahá, ka 'oku 'ikai ko 'ene taumu'á ki he lelei faka-lūkufuá. 'E toki ma'u melia 'a e tokolahí 'i he lavame'a 'a e taautahá ke tauhi mo fafanga hono kāingá. Pea 'e toki koloa'ia ai 'a e faka-kātoá 'i he mālohi 'o e "nima-ta'e-hāmaí" (invincible hand).
Fakamālō ki he kautaha Queen Vanilla ko 'enau fie tokeni'i 'a e polokalama vanilla 'a Vava'ú, pea ko e founga tatau pe mo ia 'i he pisinisi fk-tupú. 'Oku ngali kākā si'i mātu'á tō-vanila 'o Vava'ú, ka 'oku nau kei fa'iteliha ke tu'uaki atu 'enau fua'i vanilá ki he mahu'inga mā'olunga-taha 'i he māketí.
Pea 'oku kei ma'u faingamālie pē mo e kautaha Queen Vānilá neongo kuo hūmai 'o tokolahi 'a e ngaahi kautaha fe'au'auhí. He 'oku fiema'u ke tokolahi ange 'a e fe'au'auhí, 'o kau lelei ange ia ki he kau tō-vanilá, pea mo e kautaha Queen Vanilla foki kenau feinga ke fakalakalaka 'enau ngāué...na'e ui 'e Adam Smith ko e "nima-ta'e-hāmaí ia."
'O kapau 'e ma'u faingamālie tokotaha pē 'a e Queen Vanilla, ko e pule fk-aoao (monopoly) fk-pisinisi ia, pea 'e 'ikai lelei ia ki he kau tō-vanilá. 'E ma'u pē melié ia 'e he Queen Vanilla. He tenau pule'i 'a e mahu'inga mo e totongi vanilla 'i he māketí. ”